ചോദ്യങ്ങള്‍
സ്വര്‍ഗ്ഗ പ്രവേശനം അല്ലാഹുവിന്റെ അനുഗ്രത്താലോ സല്‍പ്രവര്‍ത്തനത്താലോ?
പ്രവാചക ഹദീസ് 'ദൈവം നിങ്ങളെ കരുണകൊണ്ട് അനുഗ്രഹിച്ചില്ലെങ്കില്‍ നിങ്ങളില്‍ ആരും സ്വര്‍ഗത്തില്‍ പ്രവേശിക്കുകയില്ല', അതു പോലെ അല്ലാഹുവിന്റെ വചനം 'നിങ്ങളുടെ പ്രവര്‍ത്തിയിലൂടെ സ്വര്‍ഗ്ഗത്തില്‍ പ്രവേശിക്കുക' എന്നിവ തമ്മിലുള്ള വ്യത്യാസം വിശദീകരിക്കാന്‍ അഭ്യര്‍ത്ഥിക്കുന്നു. സ്വര്‍ഗത്തില്‍ പ്രവേശിക്കുന്നത് ഇതില്‍ ഏതിന്റെ അടിസ്ഥാനത്തിലാണ്?
മറുപടികള്‍
ഇബ്രാഹിം സാലിഹ് അല്‍ ഹുസൈനി: അതെ, പ്രവാചക(സ്വ) പറഞ്ഞത് നിങ്ങളില്‍ ആരും സ്വന്തം പ്രവൃത്തികളാല്‍ സ്വര്‍ഗ്ഗത്തില്‍ പ്രവേശിക്കുന്നില്ല എന്നതാണ്. അപ്പോള്‍ സ്വഹാബികള്‍ ചോദിച്ചു: 'ദൈവത്തിന്റെ ദൂതരേ, നിങ്ങളും പ്രവേശിക്കുകയില്ലേ, ദൈവം എന്നെ കരുണകൊണ്ട് അനുഗ്രഹിച്ചില്ലെങ്കില്‍ ഞാനും പ്രവേശിക്കില്ല'. സര്‍വ്വശക്തന്റെ വെളിപ്പെടുത്തല്‍ ഇങ്ങനെയാണ്' നിങ്ങളുടെ പ്രവൃത്തികളാല്‍ നിങ്ങള്‍ സ്വര്‍ഗത്തില്‍ പ്രവേശിക്കുക' എന്നതിനര്‍ത്ഥം സര്‍വ്വശക്തനായ ദൈവം വിശ്വാസികള്‍ക്ക് അവര്‍ ചെയ്ത പ്രവൃത്തിയിലൂടെ സ്വര്‍ഗ്ഗം അനുവദിക്കുന്നു എന്നതാണ്, ആ അനുവാദം അല്ലാഹുവിന്റെ കരുണയില്ലാതെ കഴിയില്ല, അതിനാല്‍ അവര്‍ അവന്റെ കരുണകൂടാതെ സ്വര്‍ഗ്ഗത്തില്‍ പ്രവേശിക്കില്ല. അതിനാല്‍, ഹദീസും ആയത്തും തമ്മിലുള്ള യോജിപ്പിക്കല്‍: ആയത്ത് പ്രകട ഭാഗം സൂചിപ്പിക്കുമ്പോള്‍ ഹദീസ് ആന്തരിക ഭാഗം സൂചിപ്പിക്കുന്നു എന്നതാണ്. അതിനാല്‍, ഒരു മനുഷ്യന്റെ ഉപവാസം, പ്രാര്‍ത്ഥന, ആരാധന എന്നിവയെല്ലാം ദൈവത്തിന്റെ കാരുണ്യത്തെ ആശ്രയിച്ചിരിക്കുന്നു എന്നതാണ് യാഥാര്‍ത്ഥ്യം. കാരണം അവന് ദൈവത്തിന്റെ കരുണയും ദൈവത്തിന്റെ തൗഫീഖുമില്ലാതെ ഒരു നല്ല മനുഷ്യനാവുകയില്ല. അതുകൊണ്ടാണ് നിങ്ങള്‍ എന്തെങ്കിലും ആരംഭിക്കുകയാണെങ്കില്‍, അത് ദൈവത്തിന്റെ നാമത്തില്‍ ആരംഭിക്കുക, ആരംഭിച്ച ശേഷം 'ദൈവത്തിനല്ലാതെ ശക്തിയില്ല ഇല്ല' എന്ന് പറയുക. 'ദൈവം നിങ്ങളെയും നിങ്ങള്‍ ചെയ്യുന്നതിനെയും സൃഷ്ടിച്ചു.' നിങ്ങളും നിങ്ങളുടെ ജോലിയും ദൈവത്തിനുള്ളതാണ്, റസൂല്‍ (സ) ഒരു മനുഷ്യനോട് പറഞ്ഞതുപോലെ, 'നിങ്ങളും നിങ്ങളുടെ സമ്പത്തും നിങ്ങളുടെ പിതാവിനാണ്'.
അതിനാല്‍ ഹദീസിന്റെയും ആയത്തിന്റെയും യോജിപ്പിക്കല്‍ ഇതാണ്: തുടക്കത്തിലും അവസാനത്തിലും ഹദീസ് കാര്യത്തിന്റെ ഗതിയും അന്ത്യവും സൂചിപ്പിച്ചു, കൂടാതെ വസ്തുത ഇതാണ്: ദൈവത്തിന്റെ തൗഫീഖ് ഇല്ലാതെ ഒരു പണിയും ചെയ്യല്‍ സാധ്യമല്ല. അപ്പോള്‍, സ്വര്‍ഗത്തില്‍ പ്രവേശിക്കാനുള്ള അനുമതി ദൈവത്തിന്റെ കരുണയോടും അനുഗ്രഹത്തോടും കൂടിയാണ്, അല്ലേ? സ്വര്‍ഗ്ഗം അവന്റെ അനുഗ്രഹമാണെന്നും നരകം അവന്റെ നീതിയാണെന്നും നമുക്കെല്ലാവര്‍ക്കും അറിയാം, സ്വര്‍ഗ്ഗത്തില്‍ പ്രവേശിക്കുന്നത് ജോലിയെ ആശ്രയിച്ചല്ല, നരകാഗ്‌നിയില്‍ പ്രവേശിക്കുന്നത് പ്രവൃത്തികളാലല്ല, മറിച്ച് ആകാശങ്ങളും ഭൂമിയും സൃഷ്ടിക്കുന്നതിനുമുമ്പ് ഈ കാര്യങ്ങള്‍ നിര്‍ണ്ണയിക്കപ്പെടുകയും പൂര്‍ത്തീകരിക്കപ്പെടുകയും ചെയ്തു, എന്നാല്‍ പ്രവൃത്തികള്‍ അടയാളങ്ങളാണ്, അതുകൊണ്ടാണ് അല്ലാഹു
'അല്‍ലെയ്ല്‍' അധ്യായത്തില്‍ ഇങ്ങനെ പറഞ്ഞത് ഏതൊരാള്‍ ദാനം നല്‍കുകയും, സൂക്ഷ്മത പാലിക്കുകയും ഏറ്റവും ഉത്തമമായതിനെ സത്യപ്പെടുത്തുകയും ചെയ്തുവോ, അവന് നാം ഏറ്റവും എളുപ്പമായതിലേക്ക് സൗകര്യപ്പെടുത്തിക്കൊടുക്കുന്
എന്നാല്‍ വിശ്വാസി നിസ്‌കാരം, നോമ്പ്, സകാത്ത് എന്നിവ ചെയ്യുന്നില്ലെങ്കില്‍ ഇദ്ധേഹം വിശ്വാസിയാണെന്ന് മറ്റുള്ളവര്‍ എങ്ങനെ മനസ്സിലാക്കും. പ്രത്യക്ഷമായ പ്രവര്‍ത്തനങ്ങള്‍ തെളിവുകളാണ്, അതേ സമയം നിങ്ങള്‍ നീതിയുടെ പാതയിലൂടെ സഞ്ചരിക്കുകയാണെങ്കില്‍ നിങ്ങള്‍ നീതിമാന്മാരാണെന്നും നിങ്ങള്‍ പാപത്തിന്റെ പാതയിലൂടെ സഞ്ചരിക്കുകയാണെങ്കില്‍ പാപിയാവുമെന്നും വിശ്വാസിയും അംഗീകരിക്കുന്ന ഒരു കാര്യമാണ്.